வஸீலா தேடலாமா?

முதலாவது தொடர்

இறந்து போன ஒருவரின் பொருட்டால் அல்லது உயிரோடுள்ள ஒருவரின் பொருட்டால் இறைவனிடம் தேவையை முன்வைப்பதே எமது வழக்கில் வஸீலா என அழைக்கப்படுகிறது வஸீலா எனும் அறபுப் பதம் நெருக்கம் எனும் அர்த்தத்தை உள்ளடக்கியுள்ளது இறைவனிடம் நேரடியா நாம் நெருங்க முடியாது எம்மை விட தரத்தில் உயர்ந்தவர்களின் பொருட்டைக் கொண்டே நெருங்க முடியும் என வஸீலாவை ஆதரிப்போர் வாதிடுகின்றனர் இது இஸ்லாத்தில் சுத்த ஷிர்க்காகும்

வஸீலா என்பது கூடும் என்று வாதிடுபவர்கள் தங்களின் ஷிர்க்கான நடவடிக்கையை நியாயப்படுத்த சில செய்திகளை அவ்வப்போது எடுத்துவைக்கின்றனர் அவர்கள் எடுத்து வைக்கும் செய்திகளின் போலித்தன்மையை சமுதாயத்தில் தோலுரித்து மக்களுக்கு சத்தியத்தை புரிய வைப்பது எமது கடமை என்ற படியால் இவ்வாய்வை இங்கு வெளியிடுகின்றோம்

வஸீலா கூடும் என்று கூறும் அவர்கள் பல செய்திகளை அதற்கு ஆதாரமாக முன்வைக்கின்றனர் அதில் உமர்(ரழி) அவர்கள் சம்பந்தப்படும் செய்தியும் ஒன்றாகும் அந்த செய்தியில் இடம் பெறும் குறைகளை நாம் ஒவ்வொன்றாக எடுத்துக்காட்டவுள்ளோம்

முதலில் அந்த செய்தியை தருகின்றோம்

أَخْبَرَنَا أَبُو نَصْرِ بْنُ قَتَادَةَ ، وَأَبُو بَكْرٍ الْفَارِسِيُّ ، قَالا : أَخْبَرَنَا أَبُو عَمْرِو بْنُ مَطَرٍ ، أَخْبَرَنَا أَبُو بَكْرِ بْنُ عَلِيٍّ الذُّهْلِيُّ ، أَخْبَرَنَا يَحْيَى ، أَخْبَرَنَا أَبُو مُعَاوِيَةَ ، عَنِ الأَعْمَشِ ، عَنْ أَبِي صَالِحٍ ، عَنْ مَالِكٍ ، قَالَ : " أَصَابَ النَّاسَ قَحَطٌ فِي زَمَانِ عُمَرَ بْنِ الْخَطَّابِ ، فَجَاءَ رَجُلٌ إِلَى قَبْرِ النَّبِيِّ صَلَّى اللَّهُ عَلَيْهِ وَسَلَّمَ ، فَقَالَ : يَا رَسُولَ اللَّهِ , اسْتَسْقِ اللَّهَ لأُمَّتِكَ فَإِنَّهُمْ قَدْ هَلَكُوا ، فَأَتَاهُ رَسُولُ اللَّهِ صَلَّى اللَّهُ عَلَيْهِ وَسَلَّمَ فِي الْمَنَامِ ، فَقَالَ : ائْتِ عُمَرَ فَأَقْرِئْهُ السَّلامَ ، وَأَخْبِرْهُ أَنَّكُمْ مُسْقَوْنَ ، وَقُلْ لَهُ : عَلَيْكَ الْكَيْسَ الْكَيْسَ ، فَأَتَى الرَّجُلُ عُمَرَ ، فَأَخْبَرَهُ ، فَبَكَى عُمَرُ ، ثُمَّ قَالَ : يَا رَبُّ ، مَا آلُو إِلا مَا عَجَزْتُ عَنْهُ "

உமர் (رضي الله عنه) அவர்களின் காலத்தில் மக்கள் பஞ்சத்தினால் கஷ்டப்பட்டார்கள். அப்போது ஒரு மனிதர் ரசூல்லாஹ்வின் கப்ருக்கு வருகை தந்து

"அல்லாஹ்வின் தூதரே! அல்லாஹ்விடம் உங்களின் உம்மத்துக்காக வேண்டி மழை பெய்யுமாறு துஆ செய்யுங்கள், ஏனெனில் நிச்சயமாக அவர்கள் அழிந்துவிட்டார்கள்" என்று கூறினார்கள்.

.பின் ரஸுலுல்லாஹ் (صلى الله عليه وسلم)
அவரகள் (அந்த மனிதரின்) கனவில் வந்து " உமரிடம் சென்று (எனது) சலாத்தை கூறுங்கள்" என்றும் இன்னும் "நீங்கள் (மக்கள்) மழை பொழிவிக்கப்படுவீரகள் (எனவும்), நீங்கள் (உமர்) விவேகமாக நடந்து கொள்ளுங்கள், நீங்கள் விவேகமாக நடந்து கொள்ளுங்கள் என்றும் கூறுங்கள்" எனக் கூறினார்.

(பின்) அந்த மனிதர் உமர் (رضي الله عنه) அவர்களிடம் சென்று இதனை அறிவித்தார். (இதனை கேட்ட) உமர் (رضي الله عنه) அழுதார்கள். பிறகு "என்னுடைய இரட்சகனே! எனது சக்திக்கு அப்பாற்பட்டதை தவிர நான் எதையும் முயற்சி செய்யாமலில்லை" என கூறினார்கள்

ஆதாரம்:

தலாயிலுன் நுபுவ்வா

முஸன்னஃப் இப்னு அபீ ஷைபா

வஸீலா கூடும் என்பதற்கு இவர்கள் முன்வைக்கும் ஆதாரங்களில் இதுவும் ஒன்றாகும் இப்போது அவர்கள் முன்வைத்துள்ள செய்தியில் காணப்படும் குறைகளை ஒவ்வொன்றாக நோக்குவோம்

மாலிகுத்தாரை ஏன் ஏற்க மறுக்கிறோம்?.

மேற்குறித்த செய்தியில் ஏகப்பட்ட குறைகள் உள்ளன ஒவ்வொரு குறைகளாக இதை அலசுவோம்

முதலாவது குறை: இதில் இடம் பெறும் மாலிக் என்ற அறிவிப்பாளரை ஏற்க முடியாது

முதலில் மாலிகுத்தார் யார்? என்ற விபரத்தை சற்று நோக்குவோம்

இவரது முழுப் பெயர்: மாலிக் இப்னு இயாழ் அல் ஜுப்லானீ(உமர்(ரழி) யின் அடிமை)

இவர் அபூபக்ர்(ரழி), உமர்(ரழி), அபூஉபைதா(ரழி), முஆத்(ரழி) ஆகிய நான்கு ஸஹாபாக்களிடம் கேட்டு அறிவிப்பு செய்துள்ளார் இவரிடமிருந்து அபூஸாலிஹ் அஸ்ஸம்மான், அப்துர்ரஹ்மான், அஃன் இப்னு மாலிக், அப்துல்லாஹ் ஆகியோர் கேட்டு அறிவிப்பு செய்துள்ளனர் உமர்(ரழி) அவர்களோடு பைத்துல் மக்திஸின் வெற்றியில் இவரும் கலந்து கொண்டார்(பார்க்க: தாரீஹு திமிஷ்க்-56-489)

மாலிகுத்தார் சம்பந்தமாக நாம் எடுத்துக் கூறிய மேற்குறித்த கருத்தை எமது எதிர் தரப்பினரும் ஏற்றுள்ளனர் அதனால் அதைப் பற்றி விரிவாக அலச வேண்டியதில்லை

இந்த மாலிகுத்தாரை சில அறிஞர்கள் ஸஹாபி என்றும் சில அறிஞர்கள் அவரை தாபியீ என்றும் கூறுகின்றனர் இதை வைத்து அவர் ஸஹாபியாக இருந்தால் அவரது நம்பகத்தன்மை பற்றி கேள்வி கேட்க முடியாது அவர் தாபியீயாக இருந்தால் தாபியீயாக இருக்கும் அவரை அறிஞர்கள் உறுதிப்படுத்தியுள்ளனர் என்று வாதிடுகின்றனர் இந்த வாதம் வெளிப்படையில் நியாயமானதாக தோன்றினாலும் அதில் எவ்வித உண்மையும் கிடையாது

பொதுவாக ஒரு அறிவிப்பாளரை ஏற்றுக் கொள்வதென்றால் அவரது நம்பகத்தன்மை உறுதி செய்யப்படுவது போல் அவரது மனனத் தன்மையும் உறுதிப்படுத்தப்படல் வேண்டும் இதுவே ஹதீஸ்கலையின் விதியும் கூட

ஒருவர் நல்லவராக இருப்பது மாத்திரம் ஹதீஸை ஏற்றுக் கொள்வதற்கு உதவாது மாறாக அவரது மனனத் தன்மையும் உறுதி செய்யப்பட வேண்டும் எமது மாற்றுக்கருத்திலுள்ளவர்கள் கூட தொழுகையில் நெஞ்சில் தக்பீர் கட்டுவது சம்பந்தமான ஹதீஸில் இடம் பெறும் ஸிமாக்கை ஏற்க மறுக்கின்றனர் காரணம் கேட்டால் அவரது மனன சக்தியில் குறை உள்ளது என விமர்சிக்கின்றனர் எனவே நம்பகத்தன்மை எவ்வளவு முக்கியமோ அந்தளவு ஒரு ராவியின் மனனத் தன்மையும் இன்றியமையாத ஒன்றாகும் என்பதை அவர்களும் ஏற்றுள்ளனர். மாலிகுத்தாரை தரப்படுத்திய எந்த அறிஞர்களும் அவரது மனனத் தன்மை பற்றி எதுவுமே கூறவில்லை

.

இரவில் தனியே தூங்கலாமா?- ஓர் ஆய்வு

ஒருவர் தனியே இரவில் தங்குவது கூடுமா? இல்லையா என்பதை நாம் முடிவு செய்வதாயின் அதற்கு அல்குர்ஆனிலிருந்தோ அல்லது ஆதாரபூர்வமான ஹதீஸ்களிலிருந்தோ ஆதாரங்கள் இருக்க வேண்டும் அவ்வாறு ஆதாரங்கள் இல்லாத பட்சத்தில் தனியே இரவில் தங்குவது மார்க்கத்தில் தடை செய்யப்பட்ட காரியமல்ல என்ற முடிவுக்கு நாம் வரலாம்

இரவில் தனியே தூங்கக் கூடாது என்ற கருத்தில் முஸ்னத் அஹ்மதில் ஒரு செய்தி இடம் பெற்றுள்ளது

عن ابن عمر ، " أن النبي صلى الله عليه وسلم نهى عن الوحدة ، أن يبيت الرجل وحده أو يسافر وحده (مسند احمد)

நபி(ஸல்) அவர்கள் தனிமையில் இருப்பதை தடை செய்தார்கள் ஒருவர் தனியே இரவில் தங்குவதையும் தனியே பிரயாணம் மேற்கொள்வதையும் நபி(ஸல்) அவர்கள் தடை செய்தார்கள்

அறிவிப்பவர்: அப்துல்லாஹிப்னு உமர்(ரழி)

ஆதாரம்: முஸ்னத் அஹ்மத்

இலக்கம்-5494

மேற்குறித்த செய்தியில் ஆஸிம் என்பவர் இடம் பெறுகிறார் அவரிடமிருந்து சுமார் ஏழு மாணவர்கள் ஹதீஸை அறிவிப்பு செய்கின்றனர் அவர்களில் அப்துல் வாஹித் என்பவர் மாத்திரமே இரவில் தனியே தங்குவது தொடர்பான அம்சத்தை அறிவிப்பு செய்கின்றார் மேற்குறித்த அறிவிப்பிலும் அவரே இடம் பெற்றிருப்பது குறிப்பிடத்தக்கது

இது போக ஆஸிமுடைய ஏனைய மாணவர்களின் அறிவிப்புக்கள் பின்வரும் ஹதீஸ் நூற்களில் இடம் பெற்றுள்ளன

முதல் மாணவர்: வகீஉ: இவரது அறிவிப்பு இப்னு மாஜா என்ற நூலில்(3766) இடம் பெற்றுள்ளது அதில் இரவில் தனியே தூங்குவது தொடர்பான விடயத்தை இவர் அறிவிக்கவில்லை

இரண்டாவது மாணவர்: ஸுப்யான் இப்னு உயைனா

இவரது அறிவிப்பு திர்மிதியில்(1639) இடம் பெற்றுள்ளது இரவில் தனியே தூங்குவது தொடர்பான விடயத்தை இவர் அறிவிக்கவில்லை

மூன்றாவது மாணவர்: பழ்லு இப்னு தகீன்

இவரது அறிவிப்பு ஸுனனுல் குப்ரா என்ற இமாம் பைஹகீ அவர்களது நூலில் இடம் பெற்றுள்ளது அதில் இரவில் தனியே தூங்குவது தொடர்பான விடயத்தை இவர் அறிவிக்கவில்லை

நான்காவது மாணவர்: முஹம்மதிப்னு  உபைத்: இவரது அறிவிப்பு முஸ்னத் அஹ்மத் என்ற கிரந்தத்தில் இடம் பெற்றுள்ளது அதில் இரவில் தனியே தூங்குவது தொடர்பான விடயத்தை இவர் அறிவிக்கவில்லை

ஐந்தாவது மாணவர்: ஹாஷிம் இவரது அறிவிப்பு முஸ்னத் அஹ்மதிலே இடம் பெற்றுள்ளது அதில் இரவில் தனியே தூங்குவது தொடர்பான விடயத்தை இவர் அறிவிக்கவில்லை

ஆறாவது மாணவர்: ஹிஷாம் இப்னு அப்துல் மலிக்: இவரது அறிவிப்பு ஷுஅபுல் ஈமான் எனும் கிரந்தத்தில் இடம் பெற்றுள்ளது அதில் இரவில் தனியே தூங்குவது தொடர்பான விடயத்தை இவர் அறிவிக்கவில்லை

எனவே ஒருவரிடமிருந்து கேட்ட பல ஏழு மாணவர்களில் ஒரே ஒரு மாணவர் மாத்திரமே ஒரு அம்சத்தை அறிவிக்கிறாரெனில் அது ஏற்றுக் கொள்ள முடியாத ஒரு செய்தியாகும் இதற்கு ஹதீஸ்கலையில் ஷாத் என்று கூறப்படும்

ஆஸிமுடைய மேற்குறித்த மாணவர்களின் அறிவிப்புக்களை நுணுக்கமாக நாம் நோக்கினால் ஒரு உண்மை புலப்படுகின்றது அதாவது தனிமை என்று நபி(ஸல்) அவர்கள் இங்கு பயன்படுத்தியிருப்பது தனிமையில் பிரயாணம் செய்வதைத்தான் குறிக்கின்றது ஏனெனில் அப்துல் வாஹித் என்பவரைத் தவிர அனைவருமே தனிமையில் பிரயாணம் செய்வதை நபி(ஸல்) அவர்கள் தடை செய்தார்கள் என்றே அறிவிப்பு செய்கின்றனர் தனிமையில் தங்குவதை குறிக்கவில்லை என்பதை புரிந்து கொள்ளலாம் அது மாத்திரமல்லாமல் தனிமையில் பிரயாணம் செய்யக் கூடாது என்பதை வேறொரு ஹதீஸும் தெளிவுபடுத்துகின்றது

سنن أبي داود  - كتاب الجهاد

 باب في الرجل يسافر وحده - حديث:‏2254‏

 حدثنا عبد الله بن مسلمة القعنبي ، عن مالك ، عن عبد الرحمن بن حرملة ، عن عمرو بن شعيب ، عن أبيه ، عن جده ، قال : قال رسول الله صلى الله عليه وسلم : " الراكب شيطان ، والراكبان شيطانان ، والثلاثة ركب

(தனிமையில்) பிரயாணம் செய்யும் ஒருவன் ஷைத்தான் ஆவான் பிரயாணம் செய்யும் இருவர் இரு ஷைத்தான்கள் ஆவர் மூன்று பேர் பிரயாணக் கூட்டத்தினர் ஆவர் என நபி(ஸல்) அவர்கள் கூறினார்கள்

அறிவிப்பவர்: அப்துல்லாஹிப்னு அம்ருப்னு ஆஸ்(ரழி)

ஆதாரம்: அபூதாவுத்

இலக்கம்-2609

இரவில் தனியே தூங்குதல் கூடாது என்ற கருத்தில் மற்றுமொரு செய்தி:

المعجم الأوسط للطبراني  - باب الألف

 من اسمه أحمد - حديث:‏2090‏

 حدثنا أحمد بن زهير قال : نا إسحاق بن وهب العلاف الواسطي قال : نا محمد بن القاسم الأسدي قال : نا زهير ، عن أبي الزبير ، عن جابر قال : قال رسول الله صلى الله عليه وسلم : " لو يعلم الناس ما في الوحدة ما سار راكب بليل أبدا ، ولا نام رجل في بيت وحده "

:

தனிமையில் உள்ள விபரீதத்தை மனிதர்கள் அறிவார்களாயின் இரவில் தனிமையாக எந்த மனிதனும் பிரயாணம் செய்ய மாட்டான் மேலும் தனிமையில் எந்த மனிதனும் ஒரு வீட்டில் தங்க மாட்டான் என நபி(ஸல்) அவர்கள் கூறினார்கள்

அறிவிப்பவர்: ஜாபிர்(ரழி)

ஆதாரம்: முஃஜமுல் அவ்ஸத்

இலக்கம்:2090

மேற்குறித்த செய்தியில் தனிமையில் பிரயாணம் செய்வது சம்பந்தமாக கூறப்பட்ட அம்சம் ஆதாரபூர்வமானது அதை ஏற்கனவே கண்டோம் எனினும் தனிமையில் இரவில் தங்கும் அம்சம் இதில் பலவீனமானது காரணம் அதில் இடம் பெறும் முஹம்மதிப்னுல் காஸிம் என்ற அறிவிப்பாளர் ஏற்றுக் கொள்ள முடியாதவர் ஆவார்

அவரை அறிஞர்கள் விமர்சித்துள்ளனர்

இமாம் நஸாயீ: இவர் நம்பகமற்றவர் இமாம் அஹ்மத் இவரை பொய்யர் என விமர்சித்துள்ளார்

இமாம்  அபூஹாதிம்: இவர் பலமற்றவர்

இமாம் அபூதாவுத்: இவர் நம்பகமற்றவர் இவர் அறிவிக்கும் செய்திகள் இட்டுக்கட்டப்பட்டவைகளாகும்

மேற்குறித்த இமாம்களது விமர்சனங்கள் தஹ்தீபுல் கமால் என்ற நூலில் இடம் பெற்றுள்ளன

எனவே இரவில் ஒருவர் தனியே தூங்குவது தொடர்பாக எந்தவொரு ஹதீஸும் ஆதாரபூர்வமானது கிடையாது என்பதை இதிலிருந்து புரிந்து கொள்ளலாம் இது போக இரவில் தனியே தூங்குவது தொடர்பாக மற்றுமொரு செய்தியும் ஆதாரமாக முன்வைக்கப்படுகின்றது அதன் விளக்கத்தையும் சற்று நோக்குவோம்

جامع معمر بن راشد  - الصحابة في السفر

 حديث:‏202‏

 أخبرنا عبد الرزاق ، عن معمر ، عن عاصم بن سليمان ، وغيره ، عن عمر بن الخطاب ، قال : " لا يسافرن رجل وحده ، ولا ينامن في بيت وحده "

ஒரு மனிதர் தனியே பிரயாணம் செய்ய வேண்டாம் மேலும் ஒரு வீட்டில் தனியே தூங்கவும் வேண்டாம்

அறிவிப்பவர்:உமர்(ரழி)

ஆதாரம்: ஜாமிஉ மஃமர்

மேற்குறித்த செய்தி உமர்(ரழி) அவர்களது சொந்தக்கருத்தாகும் எனவே இதில் எவ்வித ஆதாரமும் கிடையாது

இரவில் ஒருவர் தனியே தூங்கலாம் என்ற அனுமதி எமக்கிருக்கும் நிலையில் இங்கு மற்றுமொரு விடயத்தையும் நாம் கவனத்தில் கொள்ள வேண்டும் அதாவது ஒருவர் தனியே தூங்கும் போது ஆபத்து ஏற்பட்டால் கூட அடுத்தவரை உதவிக்கு அழைப்பது சில வேளை முடியாமல் போய் விடும் வம்பை நாமே ஏற்படுத்திக் கொண்டால் அது மார்க்கத்தின் பார்வையில் குற்றமாகும் இதையும் நாம் கவனத்தில் கொண்டு முடிந்தளவு தனிமையில் தூங்குவதை நாம் தவிர்க்க முயற்சிக்க வேண்டும் தனிமையில் இருக்கும் போது ஷைத்தான் கெட்ட சிந்தனைகளைக் கூட ஏற்படுத்த இடம்பாடு உள்ளது இதையும் நாம் கவனத்தில் கொண்டு நடந்து கொள்ள வேண்டும்

தர்ஹாவுக்கு முன்னால் NTJ யின் மூன்றாவது தெருமுனைப்பிரச்சாரம்

அல்லாஹ்வின் பேருதவியால் காத்தான்குடியிலுள்ள Dr.அஹ்மட் பரீட் மாவத்தை வீதியில் அமையப்பெற்றுள்ள முஹ்ஸின் மௌலானா தர்ஹாவுக்கு முன்னால் தேசிய தௌஹீத் ஜமாஅத் தனது மூன்றாவது தெருமுனைப்பிரச்சாரத்தை மேற்கொண்டது அசத்தியம் நடைபெறும் அவ்விடத்திலேயே கூட்டம் நடைபெற்ற படியால் பலர்களும் அதில் கலந்து கொண்டனர் அல்ஹம்துலில்லாஹ்! இஸ்லாத்தில் கப்ரு வழிபாட்டின் விபரீதம் பற்றியும் அல்லாஹ்வை மாத்திரம் வழிபடுவதின் முக்கியத்துவம் பற்றியும் உரையில் தெளிவுபடுத்தப்பட்டது மேலும் அவ்விடத்திலேயே ஒரு துண்டுப்பிரசுரமும் வினியோகிக்கப்பட்டது

அசத்தியம் நடைபெறும் இடத்திற்கு சென்று அதன் விபரீதத்தை உணர்த்துவது நபிமார்கள் அனைவரும் மேற்கொண்ட முக்கிய பிரச்சாரப்பணியாகும் அவ்வாறு எடுத்துக் கூறுகின்ற போதே பலவிதமான எதிர்ப்புகள் அவ்விடத்திலேயே தோன்றும் வாய்ப்பை நன்றாகவே நபிமார்கள் அறிந்திருந்தும் அதை விட்டும் பின்வாங்கவில்லை

இன்ஷா அல்லாஹ் மிக விரைவில் காத்தான்குடியில் ஷிர்க் நடைபெற்று வரும் மற்றுமொரு இடத்தில் எமது நான்காவது தெருமுனைப்பிரச்சாரத்தை மேற்கொள்ளவுள்ளோம்

தற்போது தெருமுனைப்பிரச்சாரத்தின் 2 தொடர்கள் வெளியிடப்பட்டுள்ளன அதைக் காண இங்கே கிளிக் செய்யவும்

http://www.youtube.com/watch?v=Gpez7S3DpLA&feature=g-all-u&context=G2adf8d5FAAAAAAAABAA

2-http://www.youtube.com/watch?v=FysZ1a9XPhk&feature=g-all-u&context=G2730726FAAAAAAAAAAA

2 வது தெருமுனைப்பிரச்சாரத்தின் வீடியோ

http://www.youtube.com/watch?v=ILJriizLqa8&context=C4f00d60ADvjVQa1PpcFMInqVa6qIEZ3zVPm7DHUYds4tC-gZWm-c%3D

தேசிய தௌஹீத் ஜமாஅத்தின் தெருமுனைப்பிரச்சாரம்

அல்லாஹ்வின் பேருதவியால் 07-03-2012 ஆகிய இன்றைய தினம் தேசிய தௌஹீத் ஜமாஅத் தனது தெருமுனைப் பிரச்சாரத்தை முதலாவதாக தொடங்கியது இஸ்லாத்தை அசல் வடிவில் எடுத்துக் கூறுவதற்கு மிகவும் சிறந்ததொரு வாய்ப்பாக அமைந்த இந்த தெருமுனைப் பிரச்சாரம் உண்மையில் சமுதாயத்தில் மிகப் பெரிய மாற்றத்தை உண்டுபண்ண வல்லது என்பதில் எவ்வித சந்தேகமுமில்லை

இன்று இஸ்லாத்தை எடுத்துரைப்பதற்கு பல்வேறு பட்ட நவீனசாதனங்கள் இருந்தும் தெருமுனைப்பிரச்சாரத்தை நாம் கையிலெடுத்ததற்கு யதார்த்தமான காரணி இதுதான்

அதாவது நபிமார்கள் இவ்வுலகில் இஸ்லாத்தை எடுத்துரைத்த சரித்திரங்களை நாம் புரட்டிப்படித்தால் மக்களை சந்திக்கும் சந்தர்ப்பங்களிலெல்லாம் இத்தூய மார்க்கத்தை அவர்கள் எடுத்துரைத்துரைப்பதில் பின்வாங்கியது கிடையாது மேலும் எடுத்துரைக்கும் சந்தர்ப்பத்தில் ஏற்படும் இன்னல்களால் அவர்கள் தஃவாக்களத்திலிருந்து சடைவடைந்ததும் கிடையாது இதற்கு ஏகப்பட்ட சான்றுகள் உண்டு

இந்த அடிப்படையில் தேசிய தௌஹீத் ஜமாஅத் தனது முதலாவது தெருமுனைப்பிரச்சாரத்தை ஆரம்பித்து வைத்தது ஜமாஅத்தின் பிரச்சாரகர் M.C.M ஸஹ்றான் "இஸ்லாம் என்றால் என்ன?" என்ற கருப்பொருளில் தனது சொற்பொழிவை ஆற்றினார் உரையில் ஷிர்க்கின் விபரீதம், இஸ்லாத்தை அறிந்து பின்பற்றுதலின் முக்கியத்துவம் போன்ற பல்வேறு விடயங்களை தெளிவுபடுத்தினார் பலர்கள் இந்நிகழ்வில் கலந்து கொண்டனர் அல்ஹம்துலில்லாஹ்!

 அந்நிகழ்வின் சில படங்களை தற்போது வழங்குகிறோம்

மிக விரைவில் இதன் வீடியோவை அப்லோட் செய்கிறோம்